القصة الكاملة لوفاة سيدة من تاونات بعد الضرب المبرح الذي تعرضت له من طرف"قايدة"

هاد المرا عندها 52 عام من تاونات، جات عندها القايدة و المقدم البارح باش يريّبوا ليهم بيت بناوه بدون ترخيص حسب تصريح السلطات.

الإبن ديالها كيقول فهاد التدوينة على حسابو الشخصي https://bit.ly/2yXl1X9 اللي تبارطاجات ألاف المرات مرّة، أن المقدّم الحديث التعيين فداك الدوّار ولاد المالح جا عند بّاه باش ياخذ منو رشوة مقابل يميّك عليه، فاش ما بغاش مشا اليوم فالصباح جاب ليه المخازنية و سيارة 207 و القايدة و هجموا عليهم كما هو موضّح فالفيديو اللّي نشرو الإبن ديالها على حسابو https://bit.ly/2VMfCLG و قاموا بهدم البيت اللّي بناوه.

فاش كانوا كيرّيبوا ليهم، تدخلات الأم و حاولات تمنعهوم يريّبو ليها الدار فين ساكنة، لكن القايدة منعاتها و ضرباتها و طاحت للأرض حسب ما قاله الإبن ديالها.

الأم ماتت فالطريق قبل ما توصل للمستشفى الإقليمي حسب ما نشرته جريدة الصباح فهاد المقال https://bit.ly/3aSFV7q و اللي قالت فيه أن أصابع الإتهام موجهة للقايدة حسب شهادات السكان اللي كانوا حاضرين فهاد الحادثة و اللي دارو عريضة و شكاية و خرجوا فمظاهرة إحتجاجية فإتجاه عمالة إقليم تاونات باش تتحاسب القايدة اللّي إتهموها صراحة بقتل هاد الأم الخمسينية.

تضامنا مع عائلة الشهيدة ، بارطاجي أو ديرو